(गणपतीपुळे/वैभव पवार)
रत्नागिरी तालुक्यातील श्रीक्षेत्र गणपतीपुळे गावातील तरुण व्यवसायिक व विविध सांस्कृतिक सामाजिक तसेच क्रीडा क्षेत्रामध्ये जय गणेश मित्र मंडळ गणपतीपुळे, शिवप्रेमी मित्र मंडळ केदारवाडी गणपतीपुळे तसेच बेबी इलेव्हन क्रिकेट संघ गणपतीपुळे च्या माध्यमातून आपल्या उस्फुर्त सहभागाने आपली वेगळी ओळख करणारे, नवरात्र उत्सवात रासदांडिया नृत्यासाठी ज्यांचे विशेष आयोजन असायचे तसेच पंचक्रोशी मधील गरजू खेळाडू, विद्यार्थी यांचे आधारस्तंभ मानले जाणाऱ्या गणपतीपुळे केदारवाडी येथील रजनीश उर्फ पींच्या केदार यांचे अल्पशा आजाराने दिनांक 30 एप्रिल रोजी आकस्मिक दुःखद निधन झाले. त्यांच्या निधनाचे वृत्त समजताच संपूर्ण गणपतीपुळे पंचक्रोशीत तीव्र हळहळ व्यक्त करण्यात येत आहे.
शिवप्रेमी मित्र मंडळ केदारवाडी गणपतीपुळे चे अध्यक्ष रमेश केदार यांचे ते सुपुत्र होय. या हरहुन्नरी, मनमिळावू, दिलदार व्यक्तिमत्त्वास संपूर्ण गणपतीपुळे परिसरातून भावपूर्ण श्रद्धांजली वाहण्यात आली आहे. त्यांचे बारावे दिवस कार्य त्यांच्या केदार वाडी गणपतीपुळे येथील अन्नपूर्णा या निवासस्थानी 10 मे रोजी पार पाडणार आहेत.
