( खेड )
तालुक्यातील आंबये येथे शनिवारी सायंकाळाच्या सुमारास गोठ्याला लागलेल्या आगीत 3 जनावरे मृत्यूमुखी पडली. येथील नगर परिषसेच्या अग्निशमक केंद्रातील कर्मचाऱ्यांनी 4 तासानंतर आग आटोक्यात आणली.
आंबये येथील बाळाराम सकपाळ यांच्या मालकीच्या गुरांच्या गोठ्याला अचानक आग लागली. गोठ्याला आग लागल्याचे कळताच ग्रामस्थ घटनास्थळी पोहाचले. या बाबत नगर परिषदाच्या अग्निशमक केंद्रास कळवल्यानंतर फायरमन दीपक देवळेकर, सहाय्यक फायरमन जयेश पवार, नितेश भालेकर, वाहनालक गजानन जाधव, मदतनीस सुदेश शिगवण आदी कर्मचाऱ्यांनी घटनास्थळी धाव घेत आग आटोक्यात आणण्यासाठी शर्थीचे प्रयत्न केले. मात्र, या भीषण आगीत बाळाराम सकपाळ यांच्या गोठ्यातील एक गाय, बैल व वासरू मृत्यूमुखी पडले. या दुर्घटनेमुळे त्यांचे मोठे नुकसान झाले आहे.
