( इक्बाल जमादार / खेड )
तालुक्यातील बिजघर येथे श्रीकांत भोसले यांचा चवताळलेला बैल वाहन चालकासह नागरिकांना त्रास देत होता. अंगावर धाऊन जाणे, पाठलाग करणे, दुचाकीस्वारांचा पाठलाग करणे असे प्रकार घडत होते. बैलाच्या या त्रासाला कंटाळून पोलीस ठाण्यात तक्रार देण्यात आली होती. पोलिसांनी बैलाला पकडण्याची जबाबदारी छत्रपती वाईल्ड लाईफ फाऊंडेशनवर सोपवली. फाऊंडेशनचे सदस्य घटनास्थळी दाखल झाले. त्यांनी बैलाला पकडण्याचे कसोशीने प्रयत्न केले. मात्र तो दोन दिवस तो हाती लागत नव्हता. अथक प्रयत्नानंतर छत्रपती वाईल्ड लाईफ फाऊंडेशनच्या सदस्यांनी बैलाला काबूत आणले. त्याला पकडून शांत केले. त्यानंतर मालकाच्या स्वाधीन करण्यात आले.
फाऊंडेशनचे सदस्य सर्वेश पवार, सुरज जाधव, रोहन खेडेकर, श्वेत चोगले, सुमीत म्हापळकर, भाऊ खेडेकर, विशाल सौंदर्य, अतिश उसरे यांनी बैलाला पकडण्याची कामगिरी केली.
