( खेड / प्रतिनिधी )
जिल्हा परिषद प्राथमिक शाळा गुणदे ढाकरवाडी ता. खेड जि. रत्नागिरी शाळेत कार्यरत असलेले उपक्रमशील शिक्षक श्री. सागर सुरेश धप्पाधुळे यांचा अविष्कार सोशल फाउंडेशन कोल्हापूर यांच्यावतीने राज्यस्तरीय आदर्श गुणवंत शिक्षक पुरस्कार ( सन-2022) देऊन सन्मान करण्यात आला.
सदर शिक्षक पुरस्कार शिक्षक दिनाचे औचित्य साधून 5 सप्टेंबर 2022 रोजी जाहीर करण्यात आला. तर 11 सप्टेंबर 2022 रोजी सोलापूर येथे मा.दीपक आर्वे ( सहाय्यक पोलीस आयुक्त सोलापूर ) यांच्या हस्ते प्रदान करण्यात आला.
कला, क्रीडा, सांस्कृतिक व शैक्षणिक क्षेत्रात गत पंधरा वर्षापासून कार्यरत असलेल्या अविष्कार सोशल फाउंडेशन ने सागर धप्पाधुळे यांच्या कार्याची दखल घेऊन निवड समितीने त्यांची निवड केली. निवड समितीचे खेड तालुका अध्यक्ष राजेंद्र चांदिवडे, तसेच ऋतुजा चांदिवडे, राहुल तुगांवकर, सचिन गमरे, सिद्राम चटलोड, दिनेश पवार यांनी काम पाहिले.
या निवडीमुळे सागर धप्पाधुळे यांचे गटशिक्षणाधिकारी, विस्तार अधिकारी, केंद्रप्रमुख, सहकारी शिक्षक यांनी अभिनंदन केले. तसेच गावकरी व मित्रमंडळी यांच्याकडून सन्मान करण्यात आला.
