(जाकादेवी/वार्ताहर)
रत्नागिरी तालुक्यातील ग्राम विकास मंडळ वाटद मिरवणे संचलित खंडाळा इंग्लिश मिडियम स्कूल येथे सरस्वती पूजन व गरबा डान्स कार्यक्रम उत्साहात साजरा करण्यात आला. या शारदोत्सवानिमित्त स्कूल कमिटी अध्यक्ष श्री. परशुराम जोग यांनी सरस्वती पूजन केले. त्यानंतर विद्यार्थी, शिक्षक व पालक मिळून सरस्वती मातेची आरती करण्यात आली. मुलांना प्रसाद वाटप करण्यात आले.
मारुती आर्ट अकादमी तर्फे शाळेत चित्रकला स्पर्धा आयोजित करण्यात आली होती सदर स्पर्धेचा निकाल जाहीर करण्यात आला. यामध्ये यशस्वी विद्यार्थ्यांना मेडल तसेच प्रशस्तीपत्रक देवून गौरवण्यात आले. यानंतर कार्यक्रमाचे आकर्षण म्हणजे गरबा व दांडिया डान्स यामध्ये विद्यार्थी, शिक्षक तसेच पालक मोठ्या उत्साहात सहभागी झाले होते.
कार्यक्रमासाठी स्कूल कमिटी अध्यक्ष श्री. परशुराम जोग, कमिटी सदस्य श्री. मारुती शितप, पर्यवेक्षक श्री. शरद पावसकर, शिक्षक, पालक व विद्यार्थी उपस्थित होते. तर कार्यक्रमाचे सूत्रसंचालन सौ. प्रियांका देसाई यांनी केले.
