(खेड / इक्बाल जमादार)
खेड तालुक्यातील मुंबके या छोट्याशा गावचा सुपुत्र इमरान फकी (जि. रत्नागिरी ) याने एल्ब्रस पर्वत गाठत वैभवशाली इतिहासात नाव कोरले आहे. एल्ब्रस पर्वत हे युरोपमधील सर्वोच्च पर्वत आहे. इमरानने ५६४२ मीटर उंचीवर असणारे एल्ब्रस पर्वताचा टप्पा पार केला, ही रत्नागिरीकरांसाठी अतिशय अभिमानाची बाब आहे.
इमरान फकी हा सध्या मॅकडरमॉट, अल खोबर, केएसए येथे वरिष्ठ नियोजन अभियंता म्हणून कार्यरत आहे. इमरानचा 10 ऑगस्ट 23 पासून पर्वत चढण्याचा प्रवास सुरू झाला. 10 ऑगस्टला रशियाला पोहचल्यानंतर दुसऱ्याच दिवशी ( 11 ऑगस्ट ) त्याने एल्ब्रस नॅशनल पार्कमध्ये अ‍ॅक्लिमेटायझेशन पायी प्रवास करत MSL पेक्षा 2800 मीटरवर पोहोचला. 12 ऑगस्ट 2023 रोजी बेस कॅम्पवर सर केला. पुन्हा 13 ऑगस्टला त्याने 4200 मीटर पर्यंत एक अ‍ॅक्लिमेटायझेशन वॉक केला. यावेळी बर्फात आणि एल्ब्रस पर्वताच्या तीव्र उतारावर चढताना कठीण काळ अनुभवत होता.
दरम्यान 14 ऑगस्ट रोजी पुन्हा 4700 मीटर पर्यंत अ‍ॅक्लिमेटायझेशन पायी प्रवास करताना पश्तोखोवा रॉक्स हा उतार खूपच जास्त कठीण होता. 15 ऑगस्टला आम्ही आईस अँक्सचे प्रशिक्षण, कॅराबिनरचा वापर इ. करून 16 ऑगस्टच्या मध्यरात्री 12 वाजता सर्व गियर ऑन करून आम्ही बेसकॅम्पपासून सुरुवात केली. उणे 25 अंश सेल्सिअस तापमान आणि MSL वर @ 5100 मीटर उंच चढाईची सुरुवात थंड झाली होती आणि आम्हाला आमचे मार्गदर्शक श्री पासांग लामा यांच्याशी नियमित अंतराने संपर्क साधावा लागत होता. वारंवार ते आम्हाला मार्गदर्शन करत होते. अखेर 6 तासांच्या नॉनस्टॉप चढाईनंतर आणि सूर्योदय (5.15 am) पर्यंत उणे 25 अंश तापमानाशी झुंज देऊन आम्ही सकाळी 6.30 च्या सुमारास शिखरावर पोहोचलो, असे इमरान सांगतो.
यापुढे तो म्हणाला की, अल्लाह आमच्यावर इतका दयाळू होता कारण संपूर्ण रात्र ढग किंवा कडक वारा नसलेली शांत होती. शिखरावर मात्र प्रचंड वारा वाहत होता. फोटो काढण्यासाठी 15 मिनिटेही देऊ शकलो नाही. सर्वात कठीण भाग म्हणजे बेसकॅम्पवर सुरक्षितपणे उतार असलेल्या ठिकाणी उतरण्याचा होता. रात्री 12 वाजता बेसकॅम्पला पोहोचायला 5 तास लागले. 12 तासांची नॉन-स्टॉप चढाई आणि अत्यंत वातावरणात परतणे खरोखर कठीण होते. मात्र तरीही यशस्वी पर्वत सर केले. शिखरावर पोहोचण्यासाठी धैर्य आणि समर्पण आवश्यक असल्याचे इमरान आवर्जून सांगतो.
५६४२ मीटर उंचीवर युरोपमधील सर्वोच्च पर्वत यशस्वीपणे सर करण्यासाठी ज्यांनी मला कमी ऑक्सिजनशी लढण्यासाठी गेल्या 3 महिन्यांत मार्गदर्शन केले, असे जलतरण प्रशिक्षक असगर भाई, तसेच हे आयोजन केल्याबद्दल मी आनंद बनसोडे (360 अन्वेषक) यांचे विशेष धन्यवाद देईन. मला मार्गदर्शन करणारे ओक्साना मोर्नेव्हा यांचे देखील आभार मानू इच्छितो आणि ज्यांनी हे शिखर सुरक्षितपणे घडवून आणले व मला अद्भुत मार्गदर्शक लाभले ते पासांग लामा यांचे विशेष आभार मानतो असे तो आवर्जून म्हणतो. ज्यांनी शिखराच्या दिवशी माझे क्रॅम्पन्स ठीक करण्यात मला मदत केली जी बर्फावर चढाईसाठी सर्वात महत्वाचा भाग आहे. असे नेहमीच मार्गदर्शन करत असतात माझे गुरु सौमेन सरकार यांचे देखील विशेष आभार व्यक्त करतो असे इमरान फकी याने सांगितले.
