कसोप-फणसोप विद्यालयातील सानवी साळवी हिची विभागीय स्पर्धेसाठी निवड

(जाकादेवी / वार्ताहर)

रत्नागिरी तालुक्यातील जीवन विद्या मंडळ कसोप -फणसोप (मुंबई) संचालित श्री लक्ष्मी केशव माध्यमिक विद्यालय कसोप – फणसोप विद्यालयाची विद्यार्थिनी कु. सानवी मनिष साळवी इयत्ता सहावी हिने स्विमिंग शालेय स्पर्धेत १४ वर्षाखालील गटात ५० मी. बॅकस्ट्रोक द्वितीय क्रमांक व १०० मी. फ्री स्टाईल मध्ये प्रथम क्रमांक प्राप्त केला असून तिची विभागीय स्पर्धेसाठी निवड झाली आहे.

सानवी हिची विभागीय स्पर्धेसाठी निवड झाल्याबद्दल मुख्याध्यापक राजेशिर्के , संस्था अध्यक्ष श्री.कमलाकर साळवी,सचिव श्री. रितेश साळवी, शाळा समिती अध्यक्ष श्री. प्रकाश साळवी, सर्व संस्था पदाधिकारी ,शिक्षक ,पालक वर्गातर्फे अभिनंदन करण्यात आले.