(चिपळूण)
चिपळूणात आई-मुलाच्या नात्याला काळीमा फासणारी घटना समोर आली आहे. चक्क मुलानेच जन्मदात्या आईला बायकोच्या मदतीने मारहाण केल्याची घटना सावर्डे येथे घडली.
सुनेने शिवीगाळ करत, वृध्द आईला मुलाने मारहाण केल्याची घटना 23 मे रोजी सावर्डे प्राथमिक आरोग्य केंद्रालगत घडली. या प्रकरणी मुलासह सुनेविरोधात सावर्डे पोलीस स्थानकात अदखपात्र गुन्हा दाखल करण्यात आला आहे.
असलम अब्दल्ला तांबे, शबाना असलम तांबे (दोघे, सावर्डे) अशी गुन्हा दाखल झालेल्यांची नावे आहेत. याची फिर्याद शफिया अब्दल्ला तांबे (70, सावर्डे) यांनी दिली. मुलगा असलम याच्या मुलाला घरासमोरील कचरा जाळू नकोस, असे वृध्द आई शफिया यांनी सांगितले. यामुळे मुलगा असलम याने वृध्द आईला मारहाण केली तसेच सून शबाना हिने शिवीगाळ केली अशी तक्रार दाखल करण्यात आली आहे.
