(मुंबई)
आंतरराष्ट्रीत पातळीवर अंमली पदार्थांची म्हणजेच ड्रग्ज तस्करी करणाऱ्या एका टोळीचा एनसीबी ने पर्दाफाश केला आहे. वृत्तसंस्था एएनआयने दिलेल्या वृत्तानुसार, या टोळीकडून 996 ग्रॅम वजनाच्या 2000 MDMA गोळ्या जप्त करण्यात आल्या. ज्याची बाजारभावानुसार किंमत सुमारे 1 कोटी रुपयांपेक्षा अधिक असल्याचे सांगितले जात आहे. धक्कादायक म्हणजे ही सत्करी विदेशी पोस्ट ऑफीस मुंबई येथून पार्सलद्वारे जप्त करण्यात आले.
एनसीबी मुंबईने आरोपींकडून मोठ्या प्रमाणावर अंमली पदार्थ जप्त केले. जे एका मोठ्या बॉक्समध्ये ठेवण्यात आले होते. आरोपींकडून जप्त करण्यात आलेले सर्व अंमली पदार्थ डार्कनेटद्वारे मागविण्यात आले होते आणि त्याबाबत केले गेलेले सर्व व्यवहार क्रिप्टोकरन्सीद्वारे मागविण्यात आले होते, अशी प्राथमिक माहिती पुढे आली आहे.
पोलिसांना 26 जून रोजी एका आरोपीला नालासोपारा येथून ताब्यात घेतले होते. जॉन संडे असे त्याची ओळख पटली असून तो आफ्रिकन असल्याचेही पुढे आले आहे. त्याच्या घराची झडती घेतली असता त्याच्याकडे खोटा भारतीय पासपोर्ट सापडला. एनसीबीने केलेल्या चौकशीत आरोपी जॉनने कबूल केले की त्याने हे सर्व अंमली पदार्थ मुंबई, दिल्ली, गोवा आणि इतर शहरांमध्ये वितरणासाठी आणले होते. आता त्याच्या सर्व सहकाऱ्यांची चौकशी केली जात आहेत. जे भारतभर आहेत. त्यासाठी एक मोहीमच राबविल्याची प्राथमिक माहिती आहे.
Mumbai | On June 20, NCB-Mumbai cracked an international drug trafficking syndicate wherein about 2000 tablets weighing 996 gm MDMA worth over Rs 1 crore, were seized from a parcel consignment from Foreign Post Office-Mumbai. Sourced from the Netherlands, the drugs were concealed… pic.twitter.com/1c5oOrSgpz
— ANI (@ANI) June 27, 2023
