(खेड / भरत निकम)
तालुक्यातील अलसुरे येशील प्रकाश गणू राऊत यांच्या मालकीचा गुरांचा गोठा आगीत खाक झाला असून या आगीत २ म्हैशी व २ रेडे मृत्युमुखी पडली आहेत. तर २ गुरे जखमी झाली आहेत. हि घटना शनिवार दि. ३० डिसेंबर२०२३ रोजी दुपारी २:३० वाजता घडली.
मिळालेल्या माहितीनुसार, या गुरांच्या गोठ्याला आग लागताच तेथील लोकांनी खेड नगरपरिषदेच्या अग्निशमन दलाला फोन करून पाचारण केले. अग्निशमन दलातील कर्मचारी फायरमन शाम देवळेकर, दिपक देवळेकर, जयेश पवार, साहिल साबळे, प्रणय रसाळ व वाहनचालक विद्याधन पवार घटनास्थळी पोहोचले. त्यांनी पाणी मारून आग विझविली, मात्र हे कर्मचारी जाण्याअगोदरच संपूर्ण गोठा जळून खाक झाला होता.
