(लांजा)
तालुक्यातील प्राथमिक शिक्षकांच्या तालुका अंतर्गत क्रिकेट स्पर्धा अर्थात टी पी एल लांजा 2024 मध्ये नंदू रेंजर्स संघाने उपविजेतेपद पटकावले. तालुक्यातील प्राथमिक आणि माध्यमिक शिक्षकांच्या क्रिकेट स्पर्धेमध्ये नंदू रेंजर्स हा संघ लांजातील प्रसिद्ध प्राथमिक शिक्षक श्री नंदकुमार पाटोळे यांनी नंदू रेंजर्स हा संघ संघमालक म्हणून घेतला होता.
सुरुवातीच्या साखळी सामन्यातील सर्वसामने जिंकून अंतिम सामन्यात पोहोचल्यानंतर नंदू रेंजर्स संघाने अखेर उपविजेतेपद पटकावले आहे. सामाजिक क्षेत्रामध्ये भरीव योगदान देणारे नंदकुमार पाटोळे सर यांनी शिक्षकांच्या क्रिकेट स्पर्धेमध्ये सुद्धा अग्रभागी राहून संघ घेतले होते. श्री नंदकुमार पाटोळे सरांच्या टीम मधील सर्व खेळाडूंनी उत्तमरीत्या आपला खेळ दाखवून टीचर्स प्रीमियर लीग 2024 मधील चुरशीच्या अंतिम लढतीमध्ये केवळ ३ धावांनी स्टार संघाकडून पराभूत झाल्याने अखेर उपविजेतेपद पदकावर समाधान मानावे लागले. या स्पर्धेतील सर्व सामन्यांमध्ये उत्तम कामगिरी करणारे उमेश घाणेकर यांना मालिकावीर म्हणून गौरवण्यात आले
