(चिपळूण/प्रतिनिधी)
ओ ताई जरा इकडे या. एक मुलगा दरवाजाच्या पाठीमागे पडलेला आहे. त्याचा चेहरा तुमच्या ओळखीचा आहे का ते बघा असे बोलून अज्ञाताने एका महिलेला पडक्या इमारतीतील दरवाजाच्या जवळून वाकून पहायला सांगितले. महिला वाकून त्या दिशेने पाहत असताना चोरटयाने गळ्यातील चेन हिसकावून जंगलच्या दिशेने पोबारा केला.
महिलेने आरडाओरडा केला परंतु काहीच उपयोग झाला नाही. 4 ग्रॅम वजनाची 12 हजार रुपयांची किंमतीची चेन चोरीस गेली. ही घटना 11 एप्रिल रोजी पावणे सात वाजण्याच्या सुमारास चिपळूण तालुक्यातील अलोरे स्टॉप येथे घडली. याबातची फिर्याद सुनिता आनंदा पवार (40, नागावे, शिरकरवाडी, चिपळूण) यांनी येथील पोलीस स्थानकात दिली. त्यानुसार अज्ञातावर भादविकलम 392 नुसार गुन्हा दाखल करण्यात आला आहे.
