(जैतापूर / वार्ताहर)
राजापूर तालुक्याच्या पश्चिमेकडील कुवेशी भुतेवाडी येथे सोमवार दिनांक 12 ऑगस्ट सकाळच्या सुमारास पोलवरून तुटलेल्या विजेचा धक्का लागून श्रीमती मीरा दाते यांच्या गाभण गाईचा आणि वासराचा तडफडून मृत्यू झाल्याची दुर्दैवी घटना घडली आहे.
वीजेची वायर तुटून जमिनीला स्पर्श झाल्यावर विद्युत पुरवठा खंडित होणे अपेक्षित असताना तसे न होता वायर तुटून जमिनीवर पडल्यानंतर देखील विद्युत प्रवाह चालूच राहिल्याने शेतात चरणाऱ्या गाभण गाईचा आणि वासराचा दुर्दैव मृत्यू झाल्याने संताप व्यक्त होत आहे. या घटनेमुळे हळहळ व्यक्त होत असून अपघातात मृत्युमुखी पडलेल्या गायीच्या मालकांना नुकसान भरपाई वीज वितरण कंपनीकडून मिळाली पाहिजे अशी मागणी होत आहे. घटनेनंतर वीज वितरणच्या अधिकाऱ्यांनी घटनास्थळी भेट देत पाहणी केली.
