(चिपळूण)
दि. 20 जून रोजी सकाळ अग्रोवन संलग्न कौशल्य प्रशिक्षण संस्था, द -फार्म आणि कृषिभूषण डॉ. तानाजीराव चोरगे शिक्षण व संशोधन संस्था मांडकी -पालवण यांच्या संयुक्त विद्यमाने गोविंदराव निकम कृषि महाविद्यालयात पदवीधर विद्यार्थासाठी अग्रीकल्चर स्टार्ट-अप या अतिशय महत्वाच्या विषयावर एकदिवशीय मोफत कार्यशाळा संपन्न झाली.
या कार्यशाळेत द -फार्मचे मुख्य कार्यकारी अधिकारी श्री. रितेश पोपळघट, मुख्य कार्यपालन अधिकारी श्री. सर्वेश घंगाळे, कृषि विभाग प्रमुख व उपसरव्यवस्थापक सकाळ -अग्रोवन संलग्न कौशल्य प्रशिक्षण संस्था SIILC पुणे श्री. अमोल बिरारी यांनी अग्रीकल्चर स्टार्ट-अपमधील नवनवीन संकल्पना प्रत्यक्षात कशा आणव्यात, तसेच ग्रॅण्ट आणि फडिंग कसे मिळावायचे यावर सखोल मार्गदर्शन केले. या कार्यशाळेमध्ये कृषिभूषण डॉ. तानाजीराव चोरगे शिक्षण व संशोधन संस्था मांडकी -पालवणचे उपाध्यक्ष तथा कार्यकारी अधिकारी डॉ. निखिल चोरगे, गोविंदरावजी निकम कृषि महाविद्यालयाचे प्राचार्य डॉ. संकेत कदम, जिजामाता महिला कृषि महाविद्यालयाच्या प्राचार्य डॉ. शमिका चोरगे उपस्थित होत्या.
कार्यक्रमाचे सूत्रसंचलन डॉ. अपर्णा यादव यांनी केले तर आभार प्रदर्शन प्रा. रोशन मोहिरे यांनी केले तसेच संस्थेच्या इतर प्राध्यापकांचे कार्यक्रम संपन्न करण्यासाठी सहकार्य लाभले.
