(खेड)
मुंबई-गोवा महामार्गावर पीरलोटे येथे झालेल्या दोन ट्रक अपघातात एका चालकाचा जागीच मृत्यू झाला. हा अपघात शनिवारी रात्री १०:१५ वाजण्याच्या दरम्यान झाला. मल्लाप्पा भिमशा बगळे (४४, रा. हातुरे वस्ती, एअरपोर्ट जवळ, हारगी रोड, दक्षिण सोलापूर) असे मृताचे नाव आहे.
अपघाताची फिर्याद संजय आनंदा पाटील (३७, रा. येळाणे, मलकापूर, शाहूवाडी, जि. कोल्हापूर) यांनी दिली आहे. ते ट्रक (एमएच ०९ ईएल ७२९५) मलकापूर ते माणगाव असा घेऊन जात होते, तर मल्लाप्पा बगळे हा चिपळूणच्या दिशेने टँकर (एमएच १३, डीक्यु ४५६२) घेऊन जात होता. या टँकरने महामार्गावरील दुभाजक तोडून संजय पाटील यांच्या ट्रकला समोरुन धडक दिली. यात मल्लाप्पा बगळे याचा मृत्यू झाला. तसेच संजय पाटील हे जखमी झाले आहेत
