(लांजा)
लांजा तालुक्यातील शिपोशी बीटाच्या बीटस्तरीय हिवाळी क्रीडा स्पर्धा बुधवारी देवधे मंचेकर वाडीच्या क्रीडांगणावर संपन्न झाल्या. या शिपोशी प्रभागामध्ये वेरळ, कोचरी, वेरवली, कोर्ले व तळवडे केंद्रातील शाळांचा समावेश असतो. या सर्व केंद्रातील विजेत्या खेळाडूंच्या बीटस्तरीय क्रीडा स्पर्धा मध्ये मंचेकर वाडी शाळेमधील विद्यार्थ्यांनी लहान गट मुलगे खो-खो, लहान गट मुली खो-खो, लहान गट मुली कबड्डी आणि लहान गट मुली लंगडी आदी खेळ प्रकारामध्ये विजय संपादन केला असून तालुकास्तरीय क्रीडा स्पर्धेसाठी पात्र ठरले आहेत.
त्याचप्रमाणे वैयक्तिक क्रीडा प्रकारात सोहम रवींद्र खेगडे याने धावणे व लांब उडी मध्ये प्रथम क्रमांक पटकावला, तसेच मोठा गट मुलींच्या वैयक्तिक स्पर्धेमध्ये सिद्धी संतोष हरमले हिने लांब उडी मध्ये प्रथम क्रमांक तर रिया रवींद्र चव्हाण हिने उंच उडी मध्ये प्रथम क्रमांक पटकावला असून तालुक्यामध्ये बीटाचे प्रतिनिधित्व करणार आहेत.
या सर्व विद्यार्थ्यांना शाळेचे मुख्याध्यापक श्री संतोष जाधव, श्री नंदकुमार पाटोळे, श्री नानासाहेब गोरड व सौ सायली तिखे मॅडम यांनी मार्गदर्शन केले. मिळवलेल्या यशाबद्दल रत्नागिरी जिल्हा परिषद शिक्षण समिती सभापती श्री चंद्रकांतजी मंचेकर व शाळा व्यवस्थापन समितीचे अध्यक्ष रवींद्र चव्हाण यांनी कौतुक केले आहे.
