(संगलट / इक्बाल जमादार)
क्रीडा व युवक सेवा संचालनालय महाराष्ट्र राज्य पुणे, व पुणे क्रीडा अधिकारी कार्यालय, पुणे यांच्या संयुक्त विद्यमाने 19 ते 21 नोव्हेंबर 2023 रोजी बारामती येथे झालेल्या 19 वर्षे वयोगटातील राज्यस्तरीय मुले – मुली नेटबॉल स्पर्धेमध्ये ज्ञानदीप शिक्षण प्रसारक मंडळ, खेड (रत्नागिरी) या शैक्षणिक संस्थेच्या कै. श्रीमती राधाबाई चंदुलाल तलाठी ज्ञानदीप विद्या मंदिर, भडगाव (उच्च माध्यमिक विभाग) या प्रशालेतील आशिक भिकू जानकर, पूर्वा सचिन कुळे यांनी घवघवीत यश संपादन केले आहे. या दोघांची महाराष्ट्र राज्याच्या नेटबॉल संघामध्ये निवड झाली आहे. त्यांच्या या नेत्रदीपक यशाबद्दल त्यांचे सर्व स्तरातून कौतुक व अभिनंदन होत आहे. पुढे हरियाणा येथे होणाऱ्या राष्ट्रीय नेटबॉल स्पर्धेसाठी या दोघांना संस्था व प्रशालेतर्फे शुभेच्छा देण्यात आल्या. या खेळाडूंना क्रीडा शिक्षक व पर्यवेक्षक संतोष भोसले यांनी मार्गदर्शन केले.
या दोघांच्या उज्ज्वल यशाबद्दल संस्थेचे अध्यक्ष अरविंद तोडकरी, उपाध्यक्ष डॉ. रमणलाल तलाठी, सरचिटणीस माधव पेठे, खजिनदार विनोद बेंडखळे विश्वस्त पेराज जोयसर, दीपक लढढा, संस्थापक सरचिटणीस प्रकाश गुजराथी, संस्थापक सदस्य भालचंद्र कांबळे, चंदन पाटणे, प्रफुल्ल महाजन, अनिल शिवदे, रुपल पाटणे व सल्लागार मंडळ सदस्य, ज्ञानदीप परिवारातील सर्व मुख्याध्यापक, प्राचार्य, शिक्षक व शिक्षकेतर कर्मचारी यांनी अभिनंदन केले व पुढील स्पर्धेस शुभेच्छा दिल्या.
