(संगमेश्वर / प्रतिनिधी)
क्रीडासंकूल डेरवण येथे संपन्न झालेल्या जिल्हास्तरीय १९ वर्षाखालील मुलींच्या खो-खो क्रीडाप्रकारात न्यू इंंग्लिश हायस्कूल ॲण्ड ज्युनियर कॉलेज, कसबा-संगमेश्वर या विद्यालयाच्या मुलींनी संगमेश्वर तालुक्याचे नेतृत्व करताना जिल्हास्तरीय विजेतेपद पटकावले आहे. कसबा हायस्कूलच्या संघाने प्रतीस्पर्धी संघावार एकतर्फी विजय मिळवत जिल्ह्यात आपला दबदबा कायम ठेवला आहे.सदर संघ जिल्हास्तरीय विजेता ठरल्यामुळे विभागीय स्पर्धेसाठी पात्र ठरला आहे.
जिल्हास्तरीय स्पर्धेत संपूर्ण संघाने उत्कृष्ठ खेळाचे प्रदर्शन केले. कु. आर्या अविनाश गराटे, कु. रिया विनायक तांबे व रिया भार्गव गुरव या खेळाडूंनी नेत्रदिपक कामगिरी बजावून संघाच्या विजयात बहूमोल योगदान दिले.विजेता संघातील खेळाडू व मार्गदर्शक शिक्षकांचे संस्था अध्यक्ष कॕप्टन अकबर खलपे, उपाध्यक्ष नियाज कापडी, उपाध्यक्ष इब्राहिम काझी, सचिव सईद उपाद्ये, सहसचिव शौकतअली खलपे, खजिनदार शुकूर गैबी, सर्व माननीय सदस्य, प्राचार्या सौ. एल. एन. मणेर, सर्व शिक्षक, शिक्षकेतर कर्मचारी व पालक वर्गाकडून अभिनंदन करण्यात आले व पुढील स्पर्धेसाठी शुभेच्छा देण्यात आल्या.
