(रत्नागिरी)
शहरानजीकच्या कारवांचीवाडी येथे गणेश विसर्जनाच्यावेळी अपघात झाला. या अपघातामध्ये एकजण गंभीर जखमी होऊन त्याचा उपचारादरम्यान मृत्यू झाला. या प्रकरणी संशयित टेम्पो चालकाविरुद्ध ग्रामीण पोलिस ठाण्यात गुन्हा दाखल करण्यात आला आहे.
प्रकाश लक्ष्मण जोशी असे संशयित चालकाचे नाव आहे. ही घटना २८ सप्टेंबरला सायंकाळी कारवांचीवाडी येथील बारगोडे यांच्या घरासमोरील रस्त्यावर घडली होती. संशयित हे गणपती विसर्जन मिरवणुकीवेळी टेम्पोचे ब्रेक निकामी होऊन टेम्पो गटारालगत बांधावर आदळला. या अपघातामध्ये टेम्पोच्या पुढील बाजूस बसलेले सुभाष हरिचंद्र कुळये ताशासह टेम्पोच्या पुढील बंपर खाली आल्याने जखमी झाले. त्यांना उपचारासाठी खासगी रुग्णालयात दाखल केले होते. अधिक उपचारासाठी कोल्हापूर येथे हलविण्यात आले होते. उपचार दरम्यान त्याचा मृत्यू झाला.
या प्रकरणी पोलिसांनी ग्रामीण पोलिस ठाण्यात तक्रार दिली. तक्रारीवरून पोलिसांनी संशयित चालकाविरुद्ध गुन्हा दाखल केला आहे.
