(चेन्नई)
चेन्नई सुपर किंग्जने गुजरात टायटन्सचा १५ धावांनी पराभव करीत १० व्यांदा आयपीएलच्या अंतिम फेरीत धडक मारलीे. चार वेळचा चॅम्पियन चेन्नई संघाने शानदार पुनरागमन केले. या सामन्यात प्रथम फलंदाजी करताना सीएसकेने ऋतुराज गायकवाडच्या अर्धशतकी खेळीच्या जोरावर २० षटकात ७ गडी गमावून १७२ धावा केल्या होत्या. प्रत्युत्तरात गुजरात टायटन्सला सर्वबाद १५७ धावाच करता आल्या. गेल्या मोसमात ते प्लेऑफमध्येही पोहोचले नव्हते. धोनीच्या नेतृत्वाखाली संघ आता २८ मे रोजी अहमदाबादच्या नरेंद्र मोदी स्टेडियमवर पाचव्यांदा चॅम्पियन बनण्यासाठी उतरेल. दुसरीकडे या पराभवानंतर गुजरात नाबाद आहे. त्याला अंतिम फेरी गाठण्याची दुसरी संधी मिळेल. ती 26 मे रोजी अहमदाबाद येथे क्वालिफायर-2 मध्ये खेळणार आहे. तिथे ते मुंबई इंडियन्स किंवा लखनौ सुपर जायंट्सशी स्पर्धा करेल. बुधवारी (24 मे) मुंबई आणि लखनऊ यांच्यात एलिमिनेटर सामना खेळवला जाणार आहे. या सामन्यातील विजयी संघ क्वालिफायर-2 मध्ये जाईल.
𝗡𝗲𝘅𝘁 𝗗𝗲𝘀𝘁𝗶𝗻𝗮𝘁𝗶𝗼𝗻: 𝗙𝗜𝗡𝗔𝗟 ✈️😉
Congratulations 🥳 to 𝗖𝗛𝗘𝗡𝗡𝗔𝗜 𝗦𝗨𝗣𝗘𝗥 𝗞𝗜𝗡𝗚𝗦, the first team to qualify for #TATAIPL 2023 Final 💛#Qualifier1 | #GTvCSK | @ChennaiIPL pic.twitter.com/LgtrhwjBxH
— IndianPremierLeague (@IPL) May 23, 2023
१७३ धावांच्या लक्ष्याचा पाठलाग करताना गुजरात टायटन्सची सुरुवात काही खास नव्हती आणि पॉवरप्लेमध्येच त्यांनी दोन गडी गमावले. आधी यष्टिरक्षक फलंदाज ऋद्धिमान साहा बाद झाला, तो दीपक चहरच्या गोलंदाजीवर मथिशा पाथिरानाच्या हाती झेलबाद झाला. त्याचवेळी हार्दिक पांड्या ८ धावा करून महिष तिक्षानाच्या चेंडूवर जडेजाच्या हाती झेलबाद झाला. ४१ धावांवर दुसरी विकेट पडल्यानंतर दासून शनाका आणि सलामीवीर शुभमन गिल यांच्यात तिसऱ्या विकेटसाठी ३१ धावांची भागीदारी झाली.
गुजरात टायटन्सकडून सलामीवीर शुभमन गिलने सर्वाधिक ४२ धावा केल्या. मात्र, कर्णधार हार्दिक पांड्यासह उर्वरित फलंदाजांनी निराशा केली. शेवटच्या षटकांत राशिद खानने १६ चेंडूत ३० धावांची झटपट खेळी केली, पण तो संघाला विजय मिळवून देऊ शकला नाही. चेन्नईकÞडून गोलंदाजी करताना दीपक चहर व्यतिरिक्त महिश तिक्षणा, रवींद्र जडेजा आणि महिषा पथिराना यांनी २-२ विकेट घेतल्या तर तुषार देशपांडेला एक विकेट मिळाली.
तत्पूर्वी सीएसकेने नाणेफेक गमावून प्रथम फलंदाजी करताना २० षटकात ७ गडी गमावून १७२ धावा केल्या होत्या. सीएसकेकडून ऋतुराज गायकवाडने सर्वाधिक ६० धावांची खेळी केली. डेव्हॉन कॉनवेने ४० धावांचे योगदान दिले. दोघांनी पहिल्या विकेटसाठी ८७ धावांची भागीदारी केली. रवींद्र जडेजाने १६ चेंडूत २२ धावा केल्या.अजिंक्य रहाणे आणि अंबाती रायडूने १७-१७ धावा केल्या. चेन्नईचा कर्णधार महेंद्रसिंग धोनी आणि शिवम दुबे यांनी प्रत्येकी एक धाव काढली. ४ चेंडूत ९ धावा केल्यानंतर मोईन अली नाबाद राहिला. गुजरातकडून मोहम्मद शमी आणि मोहित शर्माने प्रत्येकी दोन गडी बाद केले. दर्शन नळकांडे, नूर अहमद आणि राशिद खान यांना प्रत्येकी एक यश मिळाले.
