देवरुख ओझरे येथे दुचाकी अपघातात तरूणाचा मृत्यू

(देवरूख)

देवरूख जवळच्या ओझरे येथे दोन दुचाकींची धडक बसून 20 वर्षीय तरूणाचा मृत्यु झाल्याची घटना घडली आहे. मनोज शंकर गोंधळी असे अपघातात ठार झालेल्या तरुणाचे नाव आहे.

पोलिसांनी दिलेल्या माहितीनुसार, मनोज गोंधळी हा आपल्या ताब्यातील दुचाकी घेवून देवरुखच्या दिशेने जात होता. यावेळी ओझरे येथे दोन्ही दुचाकी समोसमोर धडक बसून अपघात झाला. हा अपघात रात्री 11.30 वाजण्याच्या सुमारास झाल्याचे समजते. या अपघातातील मनोज गोंधळी याचा उपचारादरम्यान मृत्यू झाला. सनी शेट्ये याच्यावर उपचार सुरू आहेत.