(जाकादेवी / किशोर पवार)
रत्नागिरी तालुक्यातील कळझोंडी बौद्धजन पंचायत शाखा क्र.११ तर्फे वैशाख बुद्ध पौर्णिमेनिमित्त विश्वशांतीदूत भगवान गौतम बुद्ध यांची तसेच विश्वरत्न डॉ.बाबासाहेब आंबेडकर यांची संयुक्त जयंती शुक्रवार दि. ५ मे रोजी सकाळी १०.३० वा. कळझोंडी पंचशील बुद्ध विहार येथे आयोजित करण्यात आली आहे.
५ मे रोजी बुद्ध पौर्णिमेनिमित्त सकाळी ध्वजारोहण, धार्मिक पूजा पाठ, महामानवांना अभिवादन ,जाहीर सभा, दुपारी स्नेहभोजन, तद्नंतर महिलांसाठी मनोरंजनात्मक खेळ, धार्मिक गीत गायन, सायंकाळी बेंन्जो पार्टी वाद्य संगीत तसेच रात्री ९.३० वा. रेकॉर्ड डान्स व जलसा गीत गायन जन प्रबोधनपर अशा विविध कार्यक्रमांचे आयोजन करण्यात आले आहे.
सदरचे कार्यक्रम सामाजिक कार्यकर्ते व कमिटीचे अध्यक्ष प्रकाश भागुराम पवार, सचिव संजय पवार व महिला मंडळाच्या अध्यक्षा अर्पना पवार, सचिव नलिनी पवार यांच्या मार्गदर्शनाखाली संपन्न होणार आहेत. यावेळी कमिटीचे सर्व पदाधिकारी, महिला मंडळ, तरुण मंडळाचे कार्यकर्ते उपस्थित राहणार आहेत. या सर्व कार्यक्रमांना वेळेवर उपस्थित राहण्याचे आवाहन बौध्दजन पंचायत शाखेतर्फे करण्यात आले आहे.
