(नवी दिल्ली)
50 हजार वर्षांनंतर पृथ्वीच्या जवळून जाणारा धूमकेतू दिसणार आहे. हा C/2022 E3 (ZTF) नावाचा धूमकेतू बाकीच्या धूमकेतूंपेक्षा वेगळा आहे. कारण जेव्हा तो पृथ्वीच्या जवळून जाईल तेव्हा तो उघड्या डोळ्यांनी पाहयलां मिळण्याची शक्यता असते, म्हणजेच आपल्याला दुर्बिणीची गरज भासणार नाही.
आज 12 जानेवारीला C/2022 E3 (ZTF) चे सूर्यापासूनचे अंतर सुमारे 160 दशलक्ष किलोमीटर असेल आणि 2 फेब्रुवारीला पृथ्वीपासूनचे अंतर 42 दशलक्ष किलोमीटर असेल. सध्या हा धूमकेतू सूर्यमालेच्या आतील भागातून जात आहे. तो १२ जानेवारीला सूर्याच्या सर्वात जवळ येईल आणि १ फेब्रुवारी ते २ फेब्रुवारी दरम्यान आपल्या ग्रहाच्या जवळून जाईल.
जर हा धूमकेतू आता चमकत आहे, तसाच चमकत राहिला तर तो रात्रीच्या आकाशात दुर्बिणीशिवाय उघड्या डोळ्यांनी दिसू शकतो. उत्तर गोलार्धात राहणारे लोक या महिन्यात सकाळच्या आकाशात हा धूमकेतू पाहण्याचा प्रयत्न करू शकतात. दक्षिण गोलार्धात राहणारे लोक ते फेब्रुवारी २०२३ च्या सुरुवातीला पाहू शकतात. अहवालानुसार, उत्तर गोलार्धात राहणारे लोक 21 जानेवारीला हा धूमकेतू पाहू शकतात. त्या दिवशी अमावस्येमुळे चंद्र दिसणार नाही आणि आकाश अंधारमय होईल. त्यानंतर C/2022 E3 (ZTF) दिसण्याची दाट शक्यता आहे.
या धूमकेतूच्या नावावरूनही सूचित होते की, C/2022 E3 (ZTF) गेल्या वर्षीच शास्त्रज्ञांनी शोधून काढले आहे. पॅलेओलिथिक काळातील मानवांनाही या धूमकेतूबद्दल माहिती नसते.
