(वैभववाडी/वार्ताहर)
आमदार नितेश राणे यांच्या संकल्पनेतून व वाभवे- वैभववाडी नगरपंचायतीच्या माध्यमातून येथील संभाजी चौकात सेल्फी पॉईंट उभारण्यात आलेला आहे. हा सेल्फी पॉईंट उभारल्यामुळे येथील चौकाच्या सौंदर्यात अधिक भर पडली आहे. वैभववाडी नगरपंचायतीच्यावतीने येथील संभाजी चौकात उभारण्यात आलेल्या सेल्फी पॉइंटचे उद्घाटन आमदार नितेश राणे यांच्या हस्ते पार पडले.
यावेळी वैभववाडी भाजपा अध्यक्ष नासीर काझी, नगराध्यक्षा नेहा माईनकर, उपनगराध्यक्ष संजय सावंत, माजी सभापती भालचंद्र साठे, अरविंद रावराणे, विषय समिती सभापती बबलू रावराणे, नगरसेवक रोहन रावराणे, नगरसेवक डॉ. राजेंद्र पाताडे, बंड्या मांजरेकर, व्यापारी मंडळ अध्यक्ष रत्नाकर कदम, नगरसेविका रेवा बावदाने, यामिनी वळवी, भाजपा युवा मोर्चा उपाध्यक्ष हुसेन लांजेकर, नगरसेवक राजन तांबे, रज्जब रमदूल, पोलीस निरीक्षक अमित यादव, नगरपंचायतचे मुख्याधिकारी सुरज कांबळे, उदय पांचाळ, अक्षय पाटील, प्रदीप नारकर व भाजपा कार्यकर्ते मोठ्या संख्येने उपस्थित होते.
यावेळी उद्द्घाटन होताच आमदार राणेंसोबत सेल्फी व फोटो काढण्यासाठी युवकांनी गर्दी केली होती.
