(खेड / भरत निकम)
खेड तालुक्यातील सुकिवली ग्रामपंचायतीच्या प्रभाग क्रमांक १ मधील पोटनिवडणुकीत सौ. दिव्या विशाल होळकर या २०७ मतांनी विजयी झाल्या आहेत.
पोटनिवडणुकीत प्रभाग क्रमांक १ मधील ६६० मतदारांनी मतदानाचा हक्क बजावला होता. प्रतिस्पर्धी सौ. स्वरा संतोष साबळे यांना २२२ मते तर सौ. दिव्या यांना ४२८ मते मिळाली आहेत. नोटा चिन्हावर १० मते पडून सौ. दिव्या यांनी २०७ मतांनी विजय प्राप्त केला. सौ. दिव्या शिवसेना उबाठा गटाचे माजी आमदार संजय कदम यांच्या समर्थक आहेत. त्यांच्या प्रतिस्पर्धी सौ. स्वरा साबळे शिवसेना शिंदे गटाच्या वतीने निवडणूक रिंगणात उतरलेल्या होत्या. त्यांचा पराभव झाला आहे.
संजय कदम यांच्याकडून उपसरपंच बळीराम निकम, माजी सरपंच विनायक निकम, शत्रुघ्न चाळके, संतोष चाळके, गणेश चाळके, परेश जाधव, प्रदीप जाधव, तुकाराम साबळे, मनोज साबळे, किरण जाधव, मनोहर जाधव, बाळाराम धोत्रे यांनी विशेष परिश्रम घेतले आहेत. शिवसेना शिंदे गटाचे तालुका प्रमुख सचिन धाडवे हे गावातील ग्रामपंचायतीच्या पोट निवडणूकीत बाजी मारतील, अशी अपेक्षा होती. मात्र, शिवसेना उबाठा पक्षाने विजय खेचून नेला आहे.
