(तरवळ / अमित जाधव)
रत्नागिरी तालुक्यातील मालगुंड एज्युकेशन सोसायटीच्या बळीराम परकर विद्यालय व मुरारी तथा भाई मयेकर ज्युनिअर कॉलेज मालगुंड ची इयत्ता 10 वी अ मध्ये शिकत असलेली व सन 2022/23 चा चतुरंग प्रतिष्ठान चिपळूणचा “सर्वोत्तम विद्यार्थी गोडबोले पुरस्कार” मिळविलेली विद्यार्थिनी कुमारी प्रांजल सुर्यकांत गोनबरे हिने सदर पुरस्काराची रक्कम प्रशालेच्या गरीब विद्यार्थी फंडाला दिली आहे. या पुरस्काराचा वितरण सोहळा चिपळूण येथे दि 16 रोजी संपन्न झाला.
आदर्श विद्यार्थिनी प्रांजल गोनबरे हिने प्रशालेच्या गरीब विद्यार्थी फंडाला पुरस्काराची रक्कम देऊन, तिने दाखवलेल्या दातृत्वाबद्दल खऱ्या अर्थाने ती एक आदर्श विद्यार्थिनी असल्याचे दाखवून दिले,. तिच्या या दातृत्वाबद्दल प्रशालेेचे मुख्याध्यापक श्री नामदेव वाघमारे यांनी तिचे कौतुक केले व तिला शुभेच्छा दिल्या. तसेच तिचे प्रशाला व संस्थेच्या मार्फत सुद्धा कौतुक केले जात आहे. प्रांजल हिने पुरस्कारातून मिळालेली रक्कम शाळेच्या गरीब फंडात दिल्या बद्दल तिचे परिसरातून सर्वत्र कौतुक केले जात आहे.
