(खेड / प्रतिनिधी)
फ्लॅटला कडी लावून शेजाऱ्यांकडे बसायला गेलेल्या महिलेचा फ्लॅट फोडल्याची घटना खेड मधील शिवाजीनगर येथे घडली. याबाबतची फिर्याद शहेबाज सलीम खोत ( २७, रा . जुनेद अपार्टमेंट १०१, पहिला मजला, शिव राजीनगर , महाराष्ट्र बेकरीजवळ, खेड ) यांनी खेड पोलीस स्थानकात दिली. ही घटना ९ ऑगस्ट रोजी सायंकाळी ४ वा. च्या सुमारास घडली.
पोलिसांनी दिलेल्या माहितीनुसार, शहेबाज खोत हे आपल्या आई आणि मावशीसोबत फ्लॅटला कडी लावून शेजाऱ्यांकडे १०२ नंबरच्या जहीरा जलील नाडकर यांच्या घरी गप्पा मारत बसले होते. सायंकाळी ५ वा . च्या दरम्याने शहेबाज खोत आणि आई, मावशी आपल्या फ्लॅटमध्ये गेले तेव्हा त्यांना आश्चर्याचा धक्का बसला. त्यांच्या फ्लॅटची कडी उघडून अज्ञाताने ३५ हजार ५०० रुपयांचे ३ मोबाईल चोरुन नेल्याचे लक्षात आले. खोत यांनी पोलीस स्थानकात दाखल केलेल्या फिर्यादीनुस र अज्ञातावर भादविकलम ४५४ , ३८० नुसार गुन्हा दाखल करण्यात आला आहे.
