रत्नागिरी
नाशिक येथे पार पडलेल्या राज्यस्तरीय चॅम्पियन्स ट्रॉफी स्पर्धेत रत्नागिरी संघाने सहभाग घेतला होता. यात संपूर्ण राज्यातून 16 संघ सहभागी झाले होते. विविध तालुक्यातून 22 फेब्रुवारी 2022 ला लांजा येथील नारकर पटांगण येथे निवड चाचणी घेऊन मुलांचा संघ तयार करण्यात आला होता. ही स्पर्धा 8 एप्रिल पासून 10 एप्रिलपर्यंत चालू होती.
रत्नागिरी जिल्ह्याचा संघ हा बी ग्रुप मध्ये होता. या ग्रुपमध्ये बीड ग्रामीण, मुंबई उपनगर,वर्धा सिटी हे संघ होते. पहिला सामना बीड ग्रामीण सोबत बरोबरीत झाला, दुसरा सामना मुंबई उपनगर बरोबर बरोबरीत झाला. तिसरा सामना वर्धा सिटी बरोबर रत्नागिरी जिल्ह्याने 9 गडी राखून जिंकला. उपांत्यपूर्व फेरीत जालना सिटी सोबत 36 धावांनी सामना रत्नागिरीने जिंकला.
उपांत्य फेरीत बीड सिटी सोबत सामना रंगला रत्नागिरी 13 धावांनी हरला. रत्नागिरी जिल्ह्याच्या संघांमध्ये कर्णधार सुरज मोहिते, रोशन किरडवकर, रोशन पांचाळ, सुरज गुरव, रणजित पवार, सुयश दिवाळे, प्रथमेश जानस्कर, सौरभ जानस्कर, शैबाज मुकादम, प्रितेश दळवी, अनिकेत शिंदे आणि साजिद तडवी, मार्गदर्शक रत्नागिरी जिल्हा सचिव सिद्धेश गुरव आणि अध्यक्ष सुमित अणेराव यांनी मार्गदर्शन केले.
पारितोषिक वितरणाच्या वेळेस इंडिया वेस्ट झोन डायरेक्टर आणि महाराष्ट्र राज्य महासचिव सौ. मीनाक्षी गिरी मॅडम, महाराष्ट्र राज्य टेक्निकल डायरेक्टर स्वप्निल ठोंबरे आणि सर्व जिल्हा सचिव उपस्थित होते.
