(गणपतीपुळे / वैभव पवार)
रत्नागिरी तालुक्यातील मालगुंड येथील जिल्हा परिषद आदर्श कवी केशवसुत प्राथमिक विद्यालयाची इयत्ता दुसरीतील विद्यार्थिनी कुमारी स्वरा संदीप डांगे हिने नुकत्याच झालेल्या बीडीएस परीक्षेत ८२ गुण मिळवून ब्रांझ पदक पटकवले आहे. स्वरा संदीप डांगे ही मालगुंड कवी केशवसुत प्राथमिक विद्यालयाची अतिशय हुशार विद्यार्थीनी असून शाळेतील आपल्या शैक्षणिक वाटचालीबरोबरच विविध कला, क्रीडा, सांस्कृतिक विभागांमध्ये तिने आपली कौतुकास्पद छाप पाडली आहे.तसेच विशेष म्हणजे तिला काव्यवाचन आणि गायनाची खूप मोठी आवड आहे.
स्वराचा शाळेतील विविध उपक्रम व स्पर्धांमध्ये मोठा सहभाग असतो. बीडीएस परीक्षेतील तिच्या चमकदार कामगिरीबद्दल शाळेच्या मुख्याध्यापिका रोहिणी सावंत उपशिक्षिका सारिका शेंडगे, शाळा व्यवस्थापन समिती अध्यक्ष सचिन दुर्गवळी, सर्व सदस्य, माता- पालक संघ, शिक्षक-पालक संघ, पालक व सर्व अंगणवाडी कर्मचारी यांनी तिचे विशेष कौतुक व अभिनंदन केले आहे. स्वराला बीडीएस परीक्षेत उज्वल यश मिळवून देण्यासाठी तिचे शिक्षकी पेक्षातील वडील संदीप डांगे, आई सृष्टी डांगे यांचेसह शाळेच्या मुख्याध्यापिका रोहिणी सावंत, उपशिक्षिका सारिका शेंडगे यांचे बहुमोल मार्गदर्शन व प्रोत्साहन लाभले. स्वरा डांगे हिने बीडीएस परीक्षेत उज्वल यश संपादन केल्याबद्दल तिचे संपूर्ण मालगुंड परिसरातील ग्रामस्थांकडून विशेष कौतुक करण्यात येत आहे.
