भिवंडी येथे भिंत कोसळून 3 चिमुरड्यांसह 2 वृद्ध, 1 तरुणी गंभीर जखमी

(मुंबई)

मुंबई भिवंडी येथे संरक्षक भिंत शेजाऱ्याच्या घरावर कोसळल्याने 6 जण जखमी झाल्याची दुर्घटना घडली आहे. या दुर्घटनेत रस्त्यावर खेळत असलेल्या 3 चिमुरड्या मुलांसह 2 वृद्ध, 1 तरुणी असे 6 जण गंभीर जखमी झाले आहेत. जेसीबीच्या साहाय्याने पाडकाम सुरू असतानाच मंगळवारी सायंकाळी ही घटना घडली.

गंभीर जखमी झाल्यामध्ये अलीशा (3), नाझिया शेख (17) , निजामुद्दीन अन्सारी (60), फैजान (8), जैनाब अजहर खान (4) आणि एक 70 वर्षाची वृद्ध महिला अशी दुर्घटनेत गंभीर जखमी झालेल्या सहा जणांची नावे असून यांना सुरुवातीला शहरातील स्वर्गीय इंदिरा गांधी स्मृती रुग्णालयात उपचारासाठी दाखल करण्यात आले होते, मात्र गंभीर दुखापत असल्याने त्यांना ठाणे कळवा येथील शासकीय रुग्णालयात दाखल करण्याचा सल्ला डॉक्टरांनी दिला आहे.