(मुंबई/ किशोर गावडे)
भजन सम्राट, कोकण भूषण कै. काशिराम परब बुवा यांच्या दहाव्या स्मृतिदिनानिमित्त भांडुप पश्चिम येथील साई हिल विभागात संगीत भजनाचा जंगी सामना सोमवार दिनांक 12 डिसेंबर रोजी सायंकाळी 8.30 वाजता सुरू झाला. यावेळी सर्व शिष्यगण व परब परिवार व विजय क्रीडा मंडळ यांच्या सहकार्याने संगीत भजनाचा सामन्याला सुरूवात झाली.
भांडुप पश्चिमेच्या साई हिल येथे अभिनव गंधर्व रघुनाथ खंडाळकर यांचे शिष्य व जेष्ठ सुपुत्र व भारतरत्न पंडित भीमसेन जोशी युवा पुरस्कार प्राप्त सुरंजन खंडाळकर पुणे विरूद्ध पंडित शंकरराव वैरागकर यांचे पट शिष्य इंडियन आयडॉल मराठी उपविजेते जगदीश चव्हाण नासिक यांचा संगीत भजनाचा जंगी सामना झाला. सुरंजन खंडाळकर यांना तबला साथ कौस्तुभ तळेकर तर पखवाज वादक ऋषिकेश शिंदे यांनी साथ दिली तर, जगदीश चव्हाण यांना चेतन तरे तबला, तर पखवाज म्हणून सागर कोकतरे साथ दिली.
या कार्यक्रमाला आमदार रमेश कोरगावकर, शाखाप्रमुख राजेश कदम, ईशान्य मुंबई शिवसेना महिला विभाग प्रमुख राजश्री राजन मांदविलकर, भांडुप विभाग संघटक नेहा पाटकर, दिलिप जोगळेकर, नंदकुमार पाटकर, सर्व पुरुष आणि महिला शाखाप्रमुख व पदाधिकारी मोठ्या संख्येने उपस्थित राहून कै.काशिराम परब बुवांच्या प्रतिमेला पुष्प अर्पण करून आदरांजली वाहिली.
या संगीत भजनाला भजनकार भगवानबुवा लोकरे, चंद्रकांत बुवा देसाई, बाळकृष्ण बुवा परब, संजयबुवा गावडे, बुवा प्रमोद टक्के, रामकृष्ण बुवा नंदकिशोर रासम, शेखर जाधव, धोंडी परब, अनंत सावंत, प्रदीप काटकर, प्रसाद सोगम, शंकर चव्हाण, बाबू गावकर, बाबी काराणे, सुयश काराणे बुवा शिष्यगण मित्रपरिवार उपस्थित होते.
विजय क्रीडा मंडळाचे अध्यक्ष संतोष कासले, बाळा आंगणे, विवेक सावंत, सुरेश धुरी तसेच सार्वजनिक उत्सव समिती साई हिल व श्री स्वामी समर्थ मठ व काराणेवाडी कट्टा ग्रामस्थ मंडळ यांचे योगदान लाभले.
