(गणपतीपुळे / वैभव पवार)
रत्नागिरी तालुक्यातील भंडारपुळे येथील ओमकार क्रिकेट क्लब यांचेवतीने भव्य ओव्हरआर्म क्रिकेट स्पर्धेचे आयोजन करण्यात आले होते. यावेळी या स्पर्धेचा सन २०२३चा अंतिम विजेता शेखअली भाटेवाडी पावस संघ ठरला. तर आरे येथील लीटलमास्टर संघाला उपविजेतेपदावर समाधान मानावे लागले.
या स्पर्धेतील अंतिम विजेत्या शेख अली भाटेवाडी पावस संघाला प्रथम पारितोषिक कै. गणपत धोंडू वारेकर ( दादा वारेकर ) यांच्या स्मरणार्थ त्यांचे चिरंजीव राहूल गणपत वारेकर यांजकडून रोख रक्कम रू. २५००० देऊन गौरवण्यात आले. तर उपविजेत्या लीटलमास्टर आरे संघाला द्वितीय पारितोषिक विवेक दादा सुर्वे ( नांदीवडे ग्रामचयात सदस्य ) यांजकडून रोख रक्कम रू. १५००० देऊन सन्मानित करण्यात आले. तसेच या स्पर्धेसाठी विजेता व उपविजेता चषक कै. बाबाराम परशूराम कदम यांच्या स्मरणार्थ त्यांचे चिरंजीव संदीप बाबाराम कदम ( गणपतीपुळे हॉटेल व्यवसाईक ) यांजकडून देऊन सन्मानित करण्यात आले.
तसेच या स्पर्धेसाठी उत्कृष्ठ फलंदाज, उत्कृष्ट गोलंदाज, उत्कृष्ठ क्षेत्ररक्षक, मालिकावीर, सामनावीर हे चषक कै. सुभाष राजाराम शिवलकर यांच्या स्मरणार्थ दिपक राजाराम शिवलकर यांजकडून देऊन सहकार्य करण्यात आले.
या स्पर्धेच्या बक्षीस वितरण समारंभाला प्रमुख मान्यवर म्हणून राहुल वारेकर, दिपक शिवलकर, साईनाथ जाधव (युवासेना तालुका समन्वयक ), सचिन सुर्वे, हरिश्चंद्र सुर्वे, प्रफुल्ल पाटील आणि ओमकार क्रिकेट क्लब भंडारपुळे संघाचे सर्व सदस्य उपस्थित होते. ही स्पर्धा यशस्वी करण्यासाठी ओमकार क्रिकेट क्लब भंडारपुळे च्या सर्व सदस्यांनी विशेष मेहनत घेतली. तसेच भंडारपुळे येथील व्यावसायिक प्रसाद पेडणेकर आणि निखिल भोळे यांचे विशेष मोलाचे सहकार्य या स्पर्धेला लाभले.
