(मुंबई)
शेतकऱ्यांना आर्थिक मदत देण्यासाठी सरकारने पंतप्रधान किसान सन्मान निधी योजना सुरू केली आहे. या योजनेत सरकारकडून दरवर्षी 6,000 रुपये दिले जातात. ही रक्कम हप्त्यांमध्ये दिली जाते. शेतकऱ्यांना प्रत्येक हप्त्यात 2,000 रुपये दिले जातात. आतापर्यंत सरकारने या योजनेचे 15 हप्ते जारी केले आहेत. यासोबतच 16 व्या हप्त्याची नोंदणीही सुरू झाली आहे.
ई-केवायसी
पीएम किसान योजनेचा लाभ घेण्यासाठी सरकारने जमीन पडताळणी आणि ई-केवायसी अनिवार्य केले आहे. कोणत्याही शेतकऱ्याने ई-केवायसी आणि जमीन पडताळणी केली नसेल तर त्याला योजनेचा लाभ मिळणार नाही. यामुळे देशातील अनेक शेतकऱ्यांना योजनेच्या 15 व्या हप्त्याचा लाभ मिळालेला नाही. पीएम किसान पोर्टल किंवा सीएससी केंद्राला भेट देऊन शेतकरी सहजपणे केवायसी करू शकतात.
नोंदणीमध्ये चूक
पीएम किसान नोंदणी करताना काही चूक झाली तरी शेतकऱ्यांना योजनेचा लाभ मिळत नाही. याशिवाय तो लाभार्थी यादीतून बाहेर असू शकतो. यासाठी शेतकऱ्याने अर्ज करताना कोणतीही चूक करू नये.
पीएम किसान हेल्पलाइन नंबर
पीएम किसान योजनेतील नोंदणीबाबत तुम्हाला कोणतीही अडचण आल्यास, तुम्ही पीएम किसान योजनेच्या हेल्पलाइन क्रमांकावर संपर्क साधू शकता. शेतकरी १५५२६१ किंवा १८००११५५२६ (टोल फ्री) किंवा ०११-२३३८१०९२ या क्रमांकावर संपर्क साधू शकतात. याशिवाय शेतकरी pmkisan-ict@gov.in या ईमेल आयडीवर मेल करू शकतात.
