( प्रतिनिधी / रत्नागिरी )
रत्नागिरी : तालुक्यातील हातखंबा येथे नंदाई प्रतिष्ठानच्यावतीने बौद्ध समाजातील दहावी आणि बारावी उतीर्ण विद्यार्थ्यांचा सत्कार करण्यात येणार आहे. हातखंबा हायस्कूलमधील सभागृहात उद्या (रविवार) २१ रोजी सकाळी ११ वाजता हा कार्यक्रम आयोजित करण्यात आला आहे. दहावी बारावीतील गुणवंत विद्यार्थी व त्यांच्या पालकांना भविष्यातील वाटचालीसाठी करिअर मार्गदर्शन करण्यासाठी करीअर मार्गदर्शक संतोष गमरे यांचे यावेळी मोलाचे मार्गदर्शन लाभणार आहे. रत्नागिरी तालुक्यातील बौद्ध समाजातील दहावी, बारावी गुणवंत विद्यार्थ्याचां यावेळी सत्कार करण्यात येणार आहे.
सदर कार्यक्रम उद्या सकाळी ११ ते २ या वेळेत आयोजित करण्यात आला आहे. तरी बौद्ध समाजातील सर्व विद्यार्थी व पालकांनी या कार्यक्रमाला उपस्थित राहण्याचे आवाहन नंदाई प्रतिष्ठानचे संस्थापक विद्याधर कांबळे यांनी केले आहे. स्नेह भोजनाने सदर कार्यक्रमाची सांगता करण्यात येणार असल्याचे अनंत सावंत यांनी सांगितले आहे.
