धामणी येथे अपघात, दुचाकीस्वाराचा मृत्यू

(संगमेश्वर )

मुंबई – गोवा महामार्गावरील धामणी येथे काल गुरुवारी संध्याकाळी ७.३० वाजण्याच्या सुमारास टेम्पो व दुचाकी यांच्यात झालेल्या अपघातात दुचाकीस्वाराचा जागीच मृत्यू झाला. नितीन अनंत मेस्त्री (४५, धामणी, सुतारवाडी) असे मृत्यू झालेल्या तरुणाचे नाव आहे.

मेस्त्री हा धामणी येथे आपल्या घरी जात असताना एका वाहनाला ओव्हरटेक करण्याच्या नादात समोरून येणाऱ्या आयशर टेम्पोवर जोरदार आदळला. यातच त्याचा मृत्यू झाला. अपघाताची माहिती मिळताच संगमेश्वर पोलिस ठाण्याचे पोलीस निरीक्षक श्री.उदय झावरे, HC मसुरकर, पोलिस अंमलदार मुरुडकर, पोलिस नाईक बरगले, पोलीस नाईक जाधव घटनास्थळी पोहचले होते. त्यांनी रुग्णवाहिकेला बोलावून मेस्त्री याला संगमेश्वर ग्रामीण रुग्णालयात दाखल केले. याबाबतचा अधिक तपास संगमेश्वर पोलिस करत आहेत.