(रत्नागिरी)
भारत शिक्षण मंडळाच्या देव, घैसास, कीर वरिष्ठ महाविद्यालयात वाणिज्य विभागाअंतर्गत व्यवसाय व्यवस्थापन व उद्याेजकता विकास या विषयावर वाणिज्य दिनी मार्गदर्शन करण्यात आले. कार्यक्रमाला प्रमुख अतिथी म्हणून योजक ( भिडे) उद्योग समूहाचे श्रीकांत भिडे, सीए राजन संसारे व सीए सुहास बारटक्के उपस्थित होते.
कार्यक्रमात सीए राजन संसारे, सीए सुहास बारटक्के यांनी विद्यार्थ्यांना वाणिज्य विभागासंबंधी मार्गदर्शन केले. योजक (भिडे) उद्योग समूहाचे श्रीकांत भिडे यांनी उद्योजक कसा असावा, उद्योजकामध्ये कौशल्य कोणती असावी, उद्योजक कसा घडतो त्याला आवश्यक असणारे गुण तसेच उद्योजकते विषयी अनेक प्रश्नांना समर्पक अशी उत्तरे दिली व उत्तम प्रकारे मार्गदर्शन केले. महाविद्यालयाच्या प्रभारी प्राचार्या सौ. मधुरा पाटील यांनी वाणिज्य दिनाला शुभेच्छा दिल्या.
कार्यक्रमाला महाविद्यालयाच्या उपप्राचार्या सौ. वसुंधरा जाधव, वाणिज्य विभागप्रमुख सौ.निलोफर बन्नीकोप, प्राध्यापक वर्ग, विद्यार्थी उपस्थित होते. कार्यक्रमाचे सूत्रसंचालन मयुरेश आंग्रे याने तर अंकिता कुंभार हिने आभार मानले.
