दर्शन सोलंकी आत्महत्या प्रकरणात सुसाइड नोट पोलिसांच्या हाती

आयआयटी मुंबईतील विद्यार्थी दर्शन सोलंकीने वसतीगृहातील इमारतीवरून उडी मारून आत्महत्या केली होती. ही आत्महत्या जातीयवादातून झाल्याचा आरोप आयआयटीतील विद्यार्थी संघटना तसेच अन्य सामाजिक संघटनांनी केला होता. याप्रकरणी आयआयटीने एक समिती स्थापन करून चौकशी सुरू केली होती. दुसरीकडे सामाजिक संघटनांच्या दबावामुळे मुंबई पोलिसांनी या प्रकरणातील गांभीर्य लक्षात घेत एका सह पोलीस आयुक्त लखमी गौतम यांच्या नेतृत्वात एसआयटी स्थापन केली होती. त्यानंतर या आत्महत्या प्रकरणाचा तपास सुरू करण्यात आला आहे.