डोळ्यातून नियमित पाणी येण्याची ‘ही’ आहेत कारणे; काय आहेत घरगुती उपाय !

डोळ्यात पाणी येण्याची अनेक कारणे असू शकतात. केमिकल इफेक्ट, एलर्जी, डोळ्याला काही इजा होणे, डोळे ड्राय असणे, थंडी किंवा उन्हाचा परिणाम अशा अनेक समस्यांचा यात समावेश होतो. परंतु ही समस्या सारखी भासत असेल तर त्याचा इलाज तात्काळ करणे गरजेचे आहे. अनेक वेळा वारा आणि हवा यांमुळे डोळ्यांना त्रास होतो, डोळ्यातून पाणी येणे सुरू होते यासाठी काही घरगुती उपाय करू शकतो.

कधीकधी डोळ्यांत पाणी येण्याचे कारण सामान्य असते. खर तर डोळ्यांत धूळ किंवा कचरा गेला की, डोळ्यातून पाणी येते. त्याचबरोबर कोणीतरी कांदा कापत असल्यामुळे देखील कारणीभूत आहे, परंतु हे पाणी थांबत नसेल, तर ते एखाद्या छोट्या आजाराचे लक्षण असू शकते. कधीकधी डोळ्यांत पाणी येण्याचे कारण डोळ्यांच्या बुबुळाच्या पुढील भागाचा होणारी जळजळ असू शकते. वास्तविक, हा त्रास एका डोळ्यापासून सुरू होतो आणि दोन्ही डोळ्यांना होऊ शकतो. या समस्येचे दोन प्रकार आहेत, एक ऍलर्जी आणि दुसरी व्हायरस. जर असा प्रकार असेल तर आपणाला ताबडतोब डॉक्टरांना भेट द्यावी लागेल. काहीवेळा कॉन्ट्रॅक्ट लेन्स दीर्घकाळ धारण केल्यानेही डोळ्यांत पाणी येते. लेन्स घातल्या तर डोळ्यांत पाणी येण्याबरोबरच जळजळ आणि इतर समस्याही उद्भवू शकतात.

काही वेळा कॉम्प्युटरवर तासंतास काम केल्यामुळे अनेकांना डोळ्यांची समस्या भेडसावत असते, यामुळे डोळ्यातून पाणी येणे ही समस्या खूप कॉमन झाली आहे. परंतु तज्ञांच्या मते ही समस्या असल्यास दुर्लक्ष करू नये कारण या समस्येचे पुढे साईड इफेक्ट संभवू शकतात. कधी कधी डोळ्यातून असे बाहेर पडणारे पाणी हे महत्त्वपूर्ण ही मानले जाते. त्यामुळे डोळ्यातील चिकटपणा या समस्येचे संक्रमण होणे थांबते. परंतु पाणी जास्त निघणे याचा परिणाम तुमच्या रोजच्या ऍक्टिव्हिटीवर पडू शकतो. यासाठी डॉक्टरांशी संपर्क साधूनही काही घरगुती उपाय तुम्ही करू शकता आणि या या समस्येपासून सुटकारा मिळवू शकता.