(चिपळूण)
मिरजोळी-साखरवाडी येथे उभी करुन ठेवलेली 30 हजार रुपये किंमतीची दुचाकी अज्ञाताने चोरुन नेल्याची घटना शनिवारी घडली. याप्रकरणी अज्ञातावर गुन्हा दाखल करण्यात आला आहे. याबाबतची फिर्याद अरीज अयुब सुर्वे (25, नवी मुंबई) यांनी पोलिस ठाण्यात दिली आहे.
पोलिसानी दिलेल्या माहितीनुसार 21 ऑक्टोबर 2022 ते 25 मार्च 2023 या कालावधीत अरीज सुर्वे यांनी मिरजोळी-साखरवाडी येथे त्यांच्या घराशेजारी दुचाकी उभी केली होती. मात्र अज्ञाताने ती चोरुन नेली. अरीज सुर्वे यांनी याबाबतची फिर्याद चिपळूण पोलीस ठाण्यात दिल्यानंतर रविवारी अज्ञात चोरट्यावर गुन्हा दाखल करण्यात आला आहे.
