सामाजिक, सांस्कृतिक, शैक्षणिक आणि क्रीडा यामध्ये सतत अग्रेसर असणाऱ्या कुणबी रहिवासी संघटना-दिवा शहर संघटनेच्या शेतकरी, कष्टकरी समाजातर्फे “दिवाळी पहाट” कार्यक्रमाचे आयोजन रविवार दि.२३ ऑक्टोबर २०२२ रोजी सकाळी ६ वा.भोई समाज हॉल, सेंंट मेरी स्कूलच्या जवळ, मुंब्रादेवी कॉलनी रोड, दिवा पूर्व येथे करण्यात आले आहे. सदर कार्यक्रमाला समाजातील दिग्गज मान्यवर उपस्थित राहणार आहेत.
यावेळी श्री. डिगेश्वर कलामंच कोळबांद्रे ता. दापोली यांचे बहारदार नृत्य आणि अभिनयाने नटलेला “जल्लोष कुणब्यांचा” रंगतदार तसेच कुणब्यांच्या अस्सल संस्कृतीचे दर्शन घडवणाऱ्या प्रबोधनात्मक कार्यक्रमाचे आयोजनही करण्यात आले आहे.
सदर कार्यक्रमाला संघटनेच्या माध्यमातून दिवा शहरात वास्तव्यास असणारे ठाणे जिल्हाचे उपमहापौर तसेच .नगरसेवक इतर सेवाभावी संघटनेतील प्रमुख मान्यवरांना देखील निमंत्रित करण्यात आले आहे. दिवा शहरातील आमच्या तमाम बंधू – भगिनींनी, युवकांनी, युवतींनी, विद्यार्थी-विद्यार्थ्यींनींनी हजारोंच्या संख्येने उपस्थित राहण्याचे संघटनेच्यावतीने नवनिर्वाचित अध्यक्ष शांताराम कांगणे, सचिव गणेश दवंडे यांनी आवाहन केले आहे.
