[ मुंबई /प्रतिनिधी ]
सुषमा अंधारे यांनी उद्धव ठाकरेंच्या उपस्थितीत आज शिवसेनेत जाहीर प्रवेश केला आहे. आंबेडकरी चळवळीतील कार्यकर्त्या सुषमा अंधारे यांनी पक्षप्रमुख उद्धव ठाकरे यांच्या उपस्थितीत गुरुवारी शिवसेनेत प्रवेश केला. यावेळी शिवसेना नेत्या निलम गोऱ्हे यांनी त्यांच्या हातावर शिवबंधन बांधलं.
एकनाथ शिंदे यांच्या बंडानंतर मागील काही दिवसांपासून उद्धव ठाकरे यांच्या शिवसेनेतून अनेक जण बाहेर पडत होते. मात्र आता उद्धव ठाकरे यांच्या शिवसेनेमध्ये इनकमिंग सुरु झालं आहे. राष्ट्रवादी काँग्रेसच्या नेत्या आणि फुले-आंबेडकर चळवळीतील कार्यकर्त्या, प्रवक्त्या सुषमा अंधारे यांनी उद्धव ठाकरेंच्या उपस्थितीत आज शिवसेनेत जाहीर प्रवेश केला आहे.
