(संगलट-खेड/इक्बाल जमादार)
खेड तालुक्यातील सवेणी गावातील लिंगायत वाडी येथील भिवा चंद्रकांत साबळे यांच्या मालकीच्या गुरांच्या गोठ्याला अचानक आग लागून, गोठ्याचे छप्पर जळून खाक झाले. मात्र गोठ्यातील जनावरे व बक-यांना वेळीच सोडून दिल्याने त्यांचे प्राण वाचले. त्यामुळे प्राणहानी टळली. ही घटना शुक्रवार दि 22 एप्रिल 2022 रोजी सायंकाळी 4 वाजण्याच्या मुदतीत घडली.
गोठ्याच्या जवळपास साठवलेल्या कचरा पेटविल्याने गोठ्याला आग लागली असावी, असा प्राथमिक अंदाज आहे. पण आगीचे कारण समजले नाही. ग्रामस्थांच्या वेळीच आग लागल्याचे लक्षात येताच ग्रामस्थांनी आग विझवण्यासाठी वेळीच शर्थीचे प्रयत्न केल्याने आग विझवण्यात यश आले.
