( संगमेश्वर / प्रतिनिधी )
तालुक्यातील ओझरे खुर्द गणेशवाडी येथे चुलत्याने पुतण्यावर कोयती व विळ्याने वार करून जखमी केल्याची घटना काल रविवार १७ जुलै रोजी घडली. संतोष विठोबा जागुष्टे ( ४२ ) , विठोबा रघुनाथ जागुष्टे ( दोघेही रा . ओझरे खुर्द , गणेशवाडी , संगमेश्वर ) अशी जखमींची नावे आहेत. याबाबतची तक्रार संतोष जागुष्टे यांनी देवरुख पोलीस स्थानकात दिली. त्यानुसार प्रकाश रघुनाथ जागुष्टे ( ५० ) , साई सुभाष जागुष्टे यांच्यावर गुन्हा दाखल करण्यात आला आहे.
पोलिसांनी दिलेल्या माहितीनुसार , शुल्लक कारणावरून संतोष जागुष्टे यांना चुलते प्रकाश जागुष्टे , साई जागुष्टे यांनी हातातील कोयतीने डाव्या खांद्यावर व पंजावर वार करून जखमी केले . यामध्ये त्यांना मुका मार लागला . तसेच संतोष यांचे वडिल विठोबा जागुष्टे यांच्या हातावर व खांद्यावर कोयतीने व विळ्याने वार करुन जखमी केले. अशी तक्रार पोलीस स्थानकात संतोष जागुष्टे यांनी दिली आहे . त्यानुसार प्रकाश जागुष्टे व साई जागुष्टे यांच्यावर भादविकलम ३२४ , ३४ अन्वये गुन्हा दाखल करण्यात आला आहे . अधिक तपास पोलीस हवालदार जाधव करत आहेत .
