( संगमेश्वर / प्रतिनिधी )
वांद्री येथे क्रिकेट खेळण्यासाठी जाणाऱ्या दुचाकीवरील दोन तरुणांची स्विफ्ट डिझायर जोरदार धडक बसून दोन्ही तरुण गंभीर जखमी झाल्याची दुर्दैवी घटना घडली आहे. प्रफुल्ल गोनबरे (22, परचुरी, संगमेश्वर), ओंकार भोसले (22, मानसकोंड, संगमेश्वर) अशी दोन्ही जखमिंची नावे आहेत. हा अपघात नुकताच झाला असून अपघातातील जखमींना उपचारासाठी संगमेश्वर ग्रामीण रुग्णालयात दाखल करण्यात आले आहे.
सविस्तर वृत्त असे की, परचुरी येथील प्रफुल्ल गोनबरे हा आपल्या ताब्यातील यामाहा (MH 08 DW 7228) वरुन मानस कोंड येथील ओमकार भोसले याला घेऊन वांद्री येथे क्रिकेट खेळण्यासाठी जात होता. मानसकोंड येथील क्रशरस्मोर आल्यानंतर एका ट्रकला ओव्हरटेक करताना समोरून येणाऱ्या स्विफ्ट डिझायर (MH 02, Ek 0961) या गाडीला प्रफुल्ल याने जोरदार धडक दिली. गाडीवरील ताबा सुटल्याने प्रफुल्ल हा गाडीवर जोरदार आदळला. यामध्ये त्याच्या डोक्याला गुप्तांगला जोरदार मार बसला. तो तिथेच व्हीवळत पडला होता तर ओमकार भोसले हा रस्ता बाहेर फेकला गेल्याने जखमी झाला. अपघातात स्विफ्ट कारचे दर्शनी भागाचे मोठ्या प्रमाणात नुकसान झाले आहे. अपघाताची माहिती पोलिस पाटील सुनील शिगवण घटनास्थळी दाखल झाले. त्यानंतर संगमेश्वर पोलिसाना याची माहिती देण्यात आली. संगमेश्वर पोलिसही घटनास्थळी दाखल झाले. जखमींना संगमेश्वर ग्रामीण रुग्णालयात दाखल करण्यात आले आहे.
