(लांजा)
विनापरवाना गायींची वाहतूक करून त्यांना शारीरिक आजार होईल अशा प्रकारे गाडीमध्ये भरून घेऊन जाणाऱ्या तिघांना ग्रामस्थांनी पकडले. हा प्रकार लांजातील हर्चे-बेनी फाटा येथे मंगळवारी रात्री घडला. याप्रकरणी तिघांवर गुन्हा दाखल करून ताब्यात घेतले आहे.
याप्रकरणी अभिषेक सुरेश तेंडुलकर (रा. भडे) यांनी फिर्याद दिली आहे. विठ्ठल धोंडू शिर्सेकर (६६, रा. हर्चे), अजय नारायण तरळ (४३) व संदीप राजाराम जाधव (३५, दोघे रा. साठवली गांगोवाडी), अशी तिघांची नावे आहेत. विठ्ठल शिर्सेकर याच्याकडून अजय तरळ व संदीप जाधव यांनी चार गायी खरेदी केल्या होत्या. बुधवारी रात्री पिकअप गाडी (एमएच ०८, एपी ५६५४) मध्ये दाटीवाटीने भरून हर्चे येथून घेऊन जात होते. ही वाहतूक करत असताना रात्री ११:३० वाजता हर्चे-बेनी फाटा येथे ही गाडी आली असता स्थानिक ग्रामस्थांनी गाडी पकडली.
