(लांजा)
तालुक्यात दोन दिवस कोसळलेल्या मुसळधार पावसामुळे तीन ठिकाणी घरावर झाड पडून नुकसान झाले आहे, तर विलवडे येथील प्राथमिक आरोग्य केंद्राच्या इमारतीवर झाड पडून पत्रे फुटून नुकसान झाले आहे.
सोसाट्याच्या वाऱ्यामुळे कुर्णे येथील नारायण शिंदे यांच्या घरावर झाड पडून अंशतः नुकसान झाले आहे. आरोग्य केंद्राच्या इमारतीवर झाड पडल्याने सिमेंट पत्रे फुटून मोठे नुकसान झाले आहे. तसेच खोरनिनको येथील राजाराम काशीराम सुर्वे यांच्या घरावर झाड पडून पत्रे फुटल्याने अंशतः नुकसान झाले आहे. ऐखंडे येथील रस्त्याची संरक्षण भिंत कोसळून नुकसान झाले आहे. गुरुवारी (२० जुलै) पावसाचा जोर कमी झाल्याने जनजीवन पूर्ववत आले होते.
