( खेड / प्रतिनिधी )
मुंबई गोवा महामार्गावरील निगडे फाटा परिसरात भरधाव वेगातील मालवाहू टेम्पो उलटून अपघात झाला. काल मंगळवार 2 ऑगस्ट रोजी सकाळी 7 वाजण्याच्या सुमारास हा अपघात घडला. सुदैवाने या अपघातात कोणतीही जीवित हानी झाली नाही मात्र गाडीतील इलेक्ट्रॉनिक सामान आणि गाडीचे मोठ्या प्रमाणात नुकसान झाले आहे.
हा टेम्पो मुंबई कडून चिपळूणच्या दिशेने इलेक्ट्रॉनिक वस्तू घेऊन निघाला होता सकाळी सात वाजता सुमारास हा टेम्पो महामार्गावरील निगडे फाटा येथे येतात चालकाचे टेम्पो वरील नियंत्रण सुटले आणि टेम्पो रस्त्यातच उलटला या जीवघेण्या अपघातातून चालक बचावला आहे.
