(खेड)
कंटेनरने दोन वाहनांना धडक दिल्याने पाचजण जखमी झाल्याची घटना मुंबई गोवा महामार्गावरील खेड तालुक्यातील भोस्ते घाटात गुरुवारी (१७) सायंकाळी ४:३० वाजण्याच्या सुमारास घडली.
अपघातग्रस्त कंटेनर (एमएच १६ बीसी ६०५०) गोव्याहून मुंबईकडे जात होता. चालकाचे नियंत्रण सुटले व कंटेनरने पुढे चाललेल्या सुमो गाडीला (एमएच ०६, एएस ७४२१) धडक दिली. ही सुमो कुडाळ येथून बेलापूरच्या दिशेने जात होती. कंटेनरच्या धडकेने सुमोच्या पुढील मालवाहू छोट्या टेम्पोला (एमएच ०६, बीडबल्यू ३३११) सुमोची धडक बसली. टेम्पो रस्त्याच्या बाजूला उलटला. टेम्पो चालक शमसुद्दिन खान व त्याचा एक सहकारी महाडहून चिपळूण येथे झाडूविक्रीसाठी आले होते. झाडूविक्री करून ते महाडला परत जात होते.
या अपघातात टेम्पो चालक व त्याच्या सहकान्याला दुखापत झाली आहे. या अपघातात तिन्ही वाहनांचे मोठ्या प्रमाणात नुकसान झाले आहे. सुमो व टेम्पो यांना धडक दिल्यानंतर कंटेनर दुभाजकावर धडकला.
