( रत्नागिरी / प्रतिनिधी )
तालुक्यातील निवळी येथे बैल चरवण्यासाठी गेलेला वृद्ध बेपत्ता झाल्याची घटना समोर आली आहे. दत्ताराम सखाराम मालप (७०, रा. निवळी मालपवाडी) असे बेपत्ता झालेल्या वृद्धाचे नाव आहे. या घटनेची नोंद रत्नागिरी ग्रामीण पोलिसांत करण्यात आली आहे.
भिकाजी दत्ताराम मालप (४५, रा. निवळी मालपवाडी, रत्नागिरी) यांनी या घटनेची खबर ग्रामीण पोलिसात दिली. त्यानुसार गुरुवार २ फेब्रुवारी रोजी सकाळी ७.३० वाजण्याच्या सुमारास भिकाजी यांचे वडील दत्ताराम मालप हे बैल चरविण्यासाठी घेवून गेले होते. रात्री उशिरापर्यंत ते घरी न परतल्याने नातेवाईकांनी आजूबाजूला तसेच मित्रपरिवाराकडे चौकशी केली. परंतु त्यांचा कुठेही थांगपत्ता लागला नाही. त्यानंतर पोलिस स्थानकात बेपत्ता ची नोंद करण्यात आली आहे. याप्रकरणी अधिक तपास ग्रामीण पोलीस ठाण्यातील पोलीस हवालदार बेर्डे करत आहेत.
