दापोली-दाभोळ मार्गावरील जालगाव ते मळे गावांदरम्यान आम.योगेशदादा कदम यांच्या प्रमुख मार्गदर्शनाने वन विभाग दापोलीकडून लोकसहभागाच्या सहा्ययाने कृषी दिनाचे औचित्य साधत तब्बल एक हजार रोपांच्या वृक्ष लागवडीच्या कामाचा शुभारंभ वळणे एमआयडीसी येथील रस्त्याकडेला आम.योगेश कदम यांच्याहस्ते काजूचे रोप लावून करण्यात आला.
यावेळी दापोलीचे उपविभागीय अधिकारी शरद पवार, तहसीलदार वैशाली पाटील, दापोलीचे परिक्षेत्र वन अधिकारी वैभव बोराटे, दापोलीचे परिमंडळ वन अधिकारी साताप्पा सावंत, शिवसेना तालुका प्रमुख प्रदिप सुर्वे, वनरक्षक गणपत जळणे, वनरक्षक महादेव पाटील, वनरक्षक सुरज जगताप, वनरक्षक शुभांगी गुरव, दापोली तालूका शेतकरी लाकुड व्यापारी संघाचे अध्यक्ष देवचंद जाधव, राम शिरगावकर, रोहीत मेहता आदी उपस्थित होते.
दापोली तालुक्यातील दापोली दाभोळ मार्गावरील जालगाव ते मळे गावा दरम्यान वड, पिंपळ, जारूळ, काजू, जांभुळ, फणस, आंबा, गुलमोहर आणि काझीर या जातींच्या एक हजार रोपांच्या लागवडीचा शुभारंभ आमदार योगेशदादा कदम यांच्या हस्ते करण्यात आला यावेळी आमदार बोलताना म्हणाले की, लागवडी पश्चात लावलेल्या रोपांची किमान 4 वर्षे तरी काळजी घेतली पाहीजे. केवळ कृषी दिनाचे म्हणून औचित्य साधण्यासाठी कार्यक्रम होता कामा नये या लागवडीचे फलीत हे आपल्याला दहा वर्षानंतर दिसणार आहे. त्यासाठी लावलेल्या रोपांची जोपासना झाली पाहीजे यासाठीची खबरदारी घ्यावी. तरच आजच्या कृषी दिनाच्या औचित्याने आपण लागवड करीत असलेल्या वृक्ष लागवडीचे महत्व अधोरेखीत होईल
